Mayk Pompeo Şimali Koreya il bağlı açıqlama verdi

Amerika Birlәşmiş Ştatlarının dövlәt katibi  Mayk Pompeo (Mike Pompeo)  bildirib ki, Şimali Koreyaya tәtbiq edilәn  iqtisadi sanksiyalar Koreya yarımadası nüvәsizlәşdirilәnәdәk davam etdirilәcәk.

ABŞ dövlәt katibi Mayk Pompeo ‘‘Fox News Sanday’’ proqramının qonağı olub.

Mayk Pompeo Şimali Koreya ilә aparılan görüşlәrdә iqtisadi sanksiyaların lәğv edilmәyәcәyini açıq şәkildә dilә gәtirdiklәrini deyib.

‘‘BMT Tәhlükәsizlik Şurası Koreya yarımadası nüvә silahlardan tәmizlәnәnәdәk  iqtisadi sanksiyaları azaltmayacaq’’,-deyә ABŞ dövlәt katibi Mayk Pompeo qeyd edib.

ABŞ-ın BMT-dәki daimi tәmsilçisi Nikki Haley isә CBS-in ‘‘Face the Nation’’ proqramındakı çıxışında Trampın  Pxenyan rәhbәrliyindәn nüvә tәrki-silahını tәsdiq etmәlәri üçün müfәttişlәrin bütün sahәlәrә girmәsinә icazә vermәlәrini istәdiyini vurğulayıb.

Donald Tramp vә Şimali Koraya lideri Kim Çen In iyunun 12-dә Sinqapurda görüşmüşdü. İki lider zirvә görüşündәn sonra Koreya yarımadasının nüvә silahlardan tәmizlәnmәsi mövzusunda razılıq әldә etmişdi.