Kamerunda 160-dan çox məhbus həbsxanadan qaçıb

Kamerun Respublikasının şimal-qərbində separatçı qrupun hücumu nəticəsində 163 məhbus həbsxanadan qaçıb.

Bu barədə Ndop şəhərinin meri William Benoit Emvoutu Mbita məlumat verib.

Məlumata görə, silahlı qrup  dünən gecə saatlarında Bamenda bölgəsinin Ndop şəhərindəki həbsxanaya basqın təşkil edib.

Məlumatda qaçan məhbusların saxlanılması üçün əməliyyatların davam etdirildiyi bildirilir.