Emmanuel Makron:‘‘Qazzada mülki vәtәndaşlara qarşı törәdilәnlәri  qınayırıq’’

Fransa prezidenti Emmanuel Makron ölkәsinә sәfәr edәn İsrail Baş naziri Benyamin Netanyahu ilә görüşüb.

Yelisey Sarayında baş tutan görüşdәn sonra tәrәflәr birgә mәtbuat konfransı keçirib.

Mәtbuat konfransında çıxış edәn Makron görüşdә regional mәsәlәlәri müzakirә etdiklәrini deyib.

‘‘ Netanyahuya  avropalı müttәfiqlәrimizin dә düşündüyü kimi bölgәdәki ballistik raket proqramına nәzarәt etmәk üçün İranla әldә olunan nüvә sazişini dәstәklәmәyә davam edәcәyimizi  dedim’’,-deyә Fransa prezidenti Emmanuel Makron qeyd edib.

Çıxışında Qәzza zolağındakı hadisәlәrә dә toxunan Emmanuel Makron: ‘‘Qazzada mülki vәtәndaşlara qarşı törәdilәnlәri  qınayırıq’’ deyә qeyd edib.

Görüşdә ikitәrәfli  әlaqәlәri dә müzakirә etdiklәrini bildirәn Makron  bir çox mәsәlәdә Fransa vә İsrail arasında әmәkdaşlığın davam edәcәyini söylәyib.

Fransa prezidenti hәmçinin 8-9 iyunda Kanadanın Çarlevoks şәhәrindә keçirilәcәk G-7  sammitindә ABŞ prezidenti Donald Trampla regional mәsәlәlәri müzakirә edәcәklәrini  açıqlayıb.