ABŞ Dövlәt Departamenti Münbiçlә bağlı açıqlama verdi

ABŞ Dövlәt Departamentinin sözçüsü Hezır Noert (Heather Nauert) keçirdiyi gündәlik mәtbuat konfransında  ABŞ dövlәt katibi Mayk Pompeo vә Türkiyәnin Xarici İşlәr naziri Mövlud Çavuşoğlu arasında Vaşinqtonda baş tutan görüşlә  bağlı jurnalistlәrin suallarını cavablandırıb.

Hezır Noert bildirib ki, ABŞ vә Türkiyә Münbiçdә sabitliyin tәmin edilmәsi üçün razılıq әldә edib.

Terror tәşkilatı PKK-nın Suriyadakı qolu YPG-nin Fәrat çayının şәrqinә keçәcәyinә diqqәt çәkәn Noert: ‘‘Müqavilәyә әsasәn bunu edәcәklәr’’ deyib.

 Hezır Noert  hәmçinin Türkiyә vә ABŞ arasında mәsәlә ilә bağlı danışıqların davam etdirilәcәyini  vurğulayıb.

Qeyd edәk ki, Vaşinqtona sәfәr edәn Mövlud Çavuşoğlu hәmkarı Mayk Pompeo ilә Mümbiç mәsәlәsini müzakirә etmişdi.

Görüşdә Münbiçlә bağlı yol xәritәsi müәyyәnlәşdirilmişdi.

Mövlud Çavuşoğlu yol xәritәsinin mәqsәdinin Münbiçdә tәhlükәsizlik vә sabitliyin tәmin edilmәsi olduğunu ifadә etmişdi.