Mövlud Çavuşoğlu belçikalı hәmkarı ilә görüşdü

Türkiyәnin Xarici İşlәr naziri Mövlud Çavuşoğlu  belçikalı hәmkarı Didier Reyndersә  separatçı terror tәşkilatı PKK-nın ölkәsindә artan fәaliyyәtini xatırladaraq, fәal mübarizәnin vacibliyini vurğulayıb.

Çavuşoğlu BMT-nin "Sülhün bərpası və daimi sülh" mövzulu iclasında iştirak etmәk üçün  sәfәr etdiyi ABŞ-ın Nyu York şәhәrindә Belçika Baş nazirinin müavini vә Xarici İşlәr naziri  Didier Reynderslә görüşüb.

BMT-nin Mәrkәzi Qәrargahında baş tutan görüşdә  Türkiyәnin BMT-dәki daimi nümayәndәsi Feridun Sinirlioğlu vә Türkiyәnin Vaşinqtondakı sәfiri Sәrdar Kılıç da iştirak edib.

Diplomatik mәnbәlәrdәn әldә olunan mәlumata görә, Mövlud Çavuşoğlu  belçikalı həmkarına  Türkiyənin terror tәşkilatı  YPG/PKK-ya  qarşı Suriyanın Afrin bölgәsindә apardığı ‘‘Zeytun Budağı’’ әmәliyyatı ilә bağlı  məlumat verib.

Mövlud Çavuşoğlu terror tәşkilatı PKK-nın Belçikada  artan fәaliyyәtinә diqqәt çәkәrәk, fәal mübarizәnin әhәmiyyәtini  vurğulayıb.