Putin "Türk Axını" təbii qaz kəmərinin inşasına başlamaq üçün göstəriş verdi

Rusiya prezidenti Vladimir Putin "Türk Axını" təbii qaz kəmərinin inşasına başlamaq üçün təlimat verdi.
 
Rusiya prezidenti Vladimir Putinə  "Türk Axın"ı ilə bağlı işlər haqqında  hesabat təqdim edən Qazpromun sədri Aleksey Miller hazırlıq işlərinin sona çatdığını və kəmərin dəniz hissəsində boru döşəmə işlərinə bir neçə gün ərzində başlayacaqlarını bildirdi.

 İşlərə başlamaq üçün göstəriş verən Putin Türkiyənin də layihənin həyata keçirilməsinə  fəal dəstək verəcəyindən əmin olduğunu ifadə etdi.
 
 "Türk Axını"nın 31.5 milyard kubmetr qaz ixracını təmin edə biləcək 900 kilometr uzunluğunda  dənizdən keçən iki qolunun 7 milyard avroya başa gələcəyi bildirilir.
 
 "Türk Axını" layihəsinin Qara dənizin altından keçən hissəsi  South Stream Transport B.V. tərəfindən inşa olunur.