Qara dənizdə yük gəmisi batıb, 7 nəfər itkin düşüb
Qara dənizdə yük gəmisi batıb.
716022
Məlumata görə, “Qeroi Arsenala” adlı gəminin göyərtəsindəki yeddi nəfər itkin düşüb. İlkin məlumata əsasən, gəminin göyərtəsində 12 nəfər olub.
Bunlardan 2-i Rusiya, 9-u Ukrayna və 1-i Gürcüstan vətəndaşıdır.
Gəminin dünən gecə şiddətli fırtına səbəbindən ikiyə bölünüb batdığı qeyd olunub.
Hadisə yerinə bir neçə xilasetmə gəmisinin və helikopterin göndərildiyi bildirilib. Əlverişsiz hava şəraiti xilasetmə əməliyyatlarının keçirilməsinə maneçilik törədir.
Qeyd edək ki, gəmi Türkiyəyə taxıl aparırmış.