Google 8 Mart Beynəlxalq Qadınlar Günü münasibətilə xüsusi loqo hazırladı

 Google-un ana səhifəsində  bu gün üçün hazırlanan  xüsusi dizaynlı loqoda - "doodle"-da  müxtəlif peşə sahələrində işləyən qadınlar uşaqlarla birlikdə görünür.
 
 Birləşmiş Millətlər Təşkilatı  tərəfindən tanınmış  Beynəlxalq Qadınlar Günü hər il martın 8-də qadınların iqtisadi, ictimai və siyasi mübarizəsini, habelə ümumi olaraq qadınlara qarşı nəzakət, sevgi və məhəbbətin tərənnümünü ənənəvi hala gətirmiş bayram kimi qeyd olunur.
 
 Türkiyədə isə 8 Mart Beynəlxalq Qadınlar Günü ilk dəfə 1921-ci ildə "Əməkçi Qadınlar Günü" kimi qeyd olunmağa başladı.
 
"Doodle" tətbiqinin məqsədi isə, dünya ölkələri üçün əhəmiyyətli gün və tətillərə, mədəni hadisələrə və tarixdə yer alan mühüm şəxslərə bu platformada yer verərək diqqət çəkməkdir.
 
 İnternet istifadəçiləri xüsusi dizaynlı loqonun üstünə basaraq o gün, insan və mövzu ilə əlaqədar daha ətraflı məlumatlar ala bilirlər.