Kim Jong-Namın qətlində “VX Nerve Agent” adlı maddə istifadə edilib
Şimali Koreya Dövlət Başçısı Kim Jong-unun ögey qardaşı Kim Jong-Namın ölümünə səbəb olan zəhərli maddə müəyyənləşdirilib.
Malayziya polis idarəsinin baş direktörü Xalid Əbubəkirin məlumatına görə Kim Jong-Namın qətlində istifadə edilən zəhərli maddənin əsəb sistemini iflic edən “VX Nerve Agent” adlı maddə olub. Əbubəkirin sözlərinə görə istifadə edilən maddə 1997 və 2005-ci illərdə qəbul edilən kimyəvi silah müqavilələrində kimyəvi silah olaraq xarekterizə edilib.
Qeyd edək ki, Şimali Koreya Dövlət Başçısı Kim Jong-unun ögey qardaşı 13 Fevralda Kuala Lumpurdakı beynəlxalq hava limanında məruz qaldığı hücumdan sonra həyatını itirmişdi.
Hadisədən sonra İndoneziya, Vyetnam, Malaziya və Şimali Koreya vətəndaşı 4 nəfər tutumuşdu. Malayziya polis idarəsi cinayəti planlaşdırdıqlarını irəli sürdüyü 4 adamın Jakarta-Dubay-Vladivostok üzərindən Pyonqyanqa keçdiklərini və İnterpol tərəfindən axtarıldıqlarını açıqlamışdı.