Moskvada vağzallara bomba qoyulması ilə bağlı məlumat yayılıb, 3 min sərnişin təxliyə olunub

Moskvanın üç vağzalına bomba qoyulması xəbərindən sonra vağzallarda olan 3 min sərnişin təxliyə olunub.

Yerli medianın məlumatına görə,  bu gün günorta saatlarında paytaxtın Kazan, Yaroslavl və Leninqrad vağzallarına bomba qoyulması ilə bağlı anonim məlumat daxil olub. 
Hüquq-mühafizə orqanları zəngdən sonra vağzallardan 3 minə yaxın sərnişini və vağzallarda çalışan işçiləri təxliyə ediblər.