Putin ilǝ Obama Suriya mǝsǝlǝsini müzakirǝ edib
Rusiya prezidenti Vladimir Putinlə ABŞ prezidenti Barak Obama Çindǝ keçirilǝn “Böyük İyirmilik” sammiti çərçivəsində bir araya gǝlib. Danışıqlar Xançjoudakı sərgi mərkəzində baş tutub.
Əvvəlcǝ heyətlər arası danışıqlara başçılıq edən, daha sonra tǝk-bǝtǝk görüşən Obama və Putin, Suriya və Ukrayna mövzularını müzakirə edib.
Bir saatdan çox davam edǝn danışıqlarda Rusiyanın vitse-prezidenti Yuri Uşakov, mətbuat katibi Dmitri Peskov və xarici işlər naziri Serqey Lavrov, ABŞ-dan isǝ dövlət katibi Con Kerry iştirak ediblər.
Kremlin mətbuat nümayǝndǝsi Dmitri Peskov, Putin və Obama arasındakı danışıqların planlanandan daha uzun və yaxşı olduğunu ifadǝ edǝrkǝn, Ağ Evin rəsmisi də iki liderin Suriyada şiddətin azaldılması, hümanitar yardım təmin edilməsi, Əl-Qaidə, Əl Nusra və DEAŞ-a qarşı mübarizə mövzularında razılıq ǝldǝ edilmǝsi uğrundakı sǝylǝrin tǝhlil edildiyini bildirib. Onun sözlǝrinǝ görǝ sǝhǝr radǝlǝrindǝ ABŞ dövlǝt katibi Kerry və Lavrov arasında baş tutan danışıqlar daxil olmaqla görüşlǝrdǝ gündǝmǝ daxil edilǝn bir çox mövzu ilǝ bağlı ortaq mǝxrǝcǝ gǝlinǝ bilǝcǝyi fikrinin yarandığı vurğulayıb.
