Migel Arias Canete: ''Türkiyә vә Avropa İttifaqı arasındakı enerji әmәkdaşlığı davam edir''

Avropa İttifaqının   enerji və iqlim dəyişikliyi məsələləri üzrə komissarı  Migel Arias Canete  Türkiyə və Aİ arasındakı  enerji əməkdaşlığının davam etdiyini qeyd edәrәk  xüsusilə Cənub Qaz Dəhlizinin  hər iki tərəf üçün böyük əhəmiyyət kәsp etdiyini  söyləyib.

Anadolu Agentliyinә müsahibә verәn  Canete  Fәtullahçı Terror Təşkilatı Paralel Dövlət İdarәçiliyinin (FETÖ/PDY) iyulun 15-dә hәyata keçirdiyi çevriliş cәhdindәn sonra  Türkiyə-Aİ arasındakı  enerji əlaqələrini qiymәtlәndirib.

 Türkiyә ilә Avropa İttifaqının  әhәmiyyәtli  birgә layihәlәri olduğuna işarә edәn Migel Arias Canete: ‘‘İyunun 29-da Çindә keçirilәn  G20 Enerji Nazirlәri Sammitindә hәyata keçirdiyimiz toplantıda Türkiyәnin Enerji vә Tәbii Sәrvәtlәr  naziri  Berat Albayrak Türkiyәnin Cәnub Qaz Dәhlizi layihәsinә  böyük әhәmiyyәt verdiyini  vә başa çatdırılması mәsәlәsindәki qәtiyyәtini tәkrarlayıb. Biz dә bu sәbәbdәn mәmnunuq. Türkiyә vә Avropa İttifaqı arasında enerji әmәkdaşlığı davam edir’’ deyә bildirib.