Cozef Votel geri addım atıb
Türkiyәnin dövlәt başçısı Rəcəb Tayyib Ərdoğanın çevrilişə cəhd edənlərə dəstək verdiyinә görә tənqid etdiyi Amerika Birləşmiş Ştatlarının Mәrkәzi Komandanlığının (CENTCOM) Komandanı Cozef Votel geri addım atıb.
Türkiyənin uzun illərdir çox mühüm tərəfdaş olduğunu ifadə edən Votel terror təşkilatı DEAŞ-a qarşı mübarizədə əməkdaşlıq etməyi səbirsizliklə gözlədiyini bildirib.
Votel Fetullahçı Terror Təşkilatı Paralel Dövlət İdarәçiliyinin (FETÖ/PDY) Türkiyәdәki çevriliş cәhdi ilә әlaqәsi olduğuna dair iddiaların hәqiqәti әks etdirmәdiyini deyib..
Votelin iyulun 15-dә hәyata keçirilәn xəyanətkar çevriliş cәhdindә iştirak etdiyi üçün saxlanılanlar ilә bağlı " әlaqәmiz olan generallar’’ şəklindəki açıqlamasına dövlәt başçısı Rәcәb Tayyib Ərdoğan başda olmaqla siyasәtçilәrdәn sərt reaksiya göstәrilmişdi.
Digər tərəfdən, Amerika Birləşmiş Ştatlarının Baş Qərargah rəisi General Cozef Dunford iyulun 31-dә Türkiyəyə gəlir.
General Dunford, Ankarada keçirәcәyi görüşlәrdәn sonra Adanada yerlәşәn ‘‘İncirlik’’ bazasındakı amerikalı әsgәrlәrә dә baş çәkәcәk.
Baş Qәrarqah rәisi General Hulusi Akar ötәn hәftә Cozef Dunford ilә telefon әlaqәsi saxlamışdı vә FETÖ-nun başçısı Fәtullah Gülәnin ekstradisiya edilmәsi mәsәlәsindә dәstәk istәmişdi.