Hillari Klinton Demokratlar partiyasının namizǝdi elan edilib
ABŞ-ın sabiq dövlət katibi Hillari Klintonun namizədliyi Demokratlar Partiyası tərəfindən rəsmi olaraq ABŞ prezidenti postuna irəli sürülüb.
538578
Beləliklə Hillari Clinton ABŞ-ın tarixində prezident postuna ilk qadın namizəd olub.
Demokratlar partiyasının Filadelfiyada keçirdiyi qurultayında baş tutan səsvermə zamanı Klinton tələb olunan 2383 səs toplayıb.
Keçirilmiş praymerizlərin yekununda Klinton qurultay iştirakçılarından 2800-dən çoxunun səsini toplayaraq partiya üzrə əsas rəqibi Berni Sandersi (2700-dək səs toplayıb) üstələyib.
Prosedura əsasən, Klinton bundan sonra prezident seçkilərində iştirakına rəsmi razılığını verməlidir. Klintonun iyulun 28-nə nəzərdə tutulmuş çıxışı qurultayın final tədbiri olacaq.
Xatırladaq ki, ABŞ-da prezident seçkiləri noyabrın 8-də keçiriləcək.