Çilidə 6,2 bal gücündə zəlzələ oldu

 
 ABŞ Geoloji Araşdırmalar Mərkəzi (USGS) tərəfindən verilən məlumatda zəlzələnin mərkəzinin Çilinin şimalında yerləşən Dieqo de Almagro şəhərinin 66 kilometr şimal-qərbində qeyd edildiyi bildirilir.

İtki yoxdur.
 
 Yerin 68 kilometr altında baş verən zəlzələdən sonra sunami xəbərdarlığı edilməyib.
 
 Ölkədə 2010-ci ildə baş verən 8,8 bal gücündəki zəlzələdə 500-dən çox insan həyatını itirmiş və 220 min ev dağılmışdı.

Çilidə 1960-cı ildə olan 9,5 bal gücündəki zəlzələdə isə 5 mindən çox adam həyatını itirmişdi.