Fransada fövqəladə vəziyyət yenə 2 ay davam edəcək

  Milli Məclisdə iştirakçıların az olduğu səsvermədə 46 nəfər "lehinə", 20-si "əleyhinə" səs verib, 2 millət vəkili bitərəf qalıb.

  Məclisdə səsvermədən əvvəl danışan Fransa Daxili İşlər naziri Bernard Kazeneuve Fövqəladə Vəziyyətin təhlükəsizlik riskini azaltmaq baxımından əhəmiyyətli olduğunu bildirərək deyib: "Terror təhdidi hələ də var və Fransa da Avropa İttifaqı kimi hədəfdədir”.

  Fransanın Avropa Futbol Çempionatına (Avro 2016) ev sahibliyi edəcəyini xatırladan Kazeneuve onu da bildirib ki: "Bu yaz keçiriləcək “Avro 2016” və Fransa Velosiped Turu bizim ikiqat ehtiyatlı olmağımızı tələb edir. Terrorçular üçün bu cür tədbirlər potensial bir hədəf deməkdir".

  Qeyd edək ki, Parisdə 13 noyabr 2015-ci ildə törədilən terror hücumlarından sonra elan edilən fövqəladə vəziyyətin tətbiqi Milli Məclisdə qanun layihəsinin təsdiqlənməsiylə üçüncü dəfə uzadılmış olub.