ABŞ tǝrǝfdaşlarına dǝstǝyi artıracaq
Bu barǝdǝ ABŞ Müdafiǝ naziri Eşton Karter bildirib.
Amerika Birləşmiş Ştatlarının Müdafiə naziri Eşton Karter ABŞ rəhbərliyinin DEAŞ-la mübarizədə tərəfdaşlarına dəstəyi artıracağını bildirib.
Eşton Karter Vaşinqton rəhbərliyinin DEAŞ-a qarşı mübarizəni gücləndirəcəyini qeyd edərək, tərəfdaşlarına daha çox silah vǝ maddi-texniki dəstək verəcǝklǝrini bildirib.
Eşton Karter Almaniyanın Ştutqard şǝhǝrindǝki ABŞ Avropa Komandanlığında DEAŞ-a qarşı hǝrbi mübarizǝyǝ qoşulan ölkǝlǝrin müdafiǝ nazirlǝri ilǝ bir araya gǝlib.
İclasda Almaniya, Fransa, İtaliya, Danimarka, İngiltərə, Hollandiya, İspaniya, Norveç, Avstraliya, Kanada və Yeni Zelandiyanın müdafiə nazirləri iştirak edib.
Toplantıdan sonra mətbuata açıqlama verən Karter NATO-nun da DEAŞ ilə mübarizəyə daha çox töhfə verəcəyini qeyd edib.
