BMT-nin Sivilizasiyalar Alyansının 7-ci Qlobal Forumunda Türkiyәni R.T.Әrdoğan tәmsil edәcәk

Birləşmiş Millətlər  Tәşkilatının  Sivilizasiyalar Alyansının  7-ci Qlobal Forumu  Azərbaycanın paytaxtı Bakıda başlayıb.

Bakı Konqres Mərkəzində "Cəmiyyətdә birgə yaşayış’’ şüarı ilə keçirilən tədbirin ilk iclası gənclərə ayrılıb.

 Gənc liderlər görüşündә Azərbaycan  Respublikasının  Gənclər və İdman Naziri Azad Rəhimov, Birlәşmiş Millәtlәr Mədəniyyətlər İttifaqının Ali  Nümayəndəsi Nassir Abdulaziz Al Nasser, Heydər Əliyev Fondunun Vitse-prezidenti Leyla Əliyeva ilə müxtəlif ölkələrdən  gәlәn  150 gənc lider iştirak edib.

 Forumun ilk sessiyasında sülh, təhlükəsizlik və inkişaf üçün gənclərin töhfəsinin əhəmiyyəti  vurğulanıb.

 Üç gün davam edəcək forumda  BMT-yə üzv ölkələrin dövlət başçıları, beynəlxalq və regional təşkilatların nümayəndələri, incәsәnәt nümayәndәlәri  və akademiklərdən ibarət olan təxminən 2 min nəfərin iştirak  etmәsi  gözlənilir.

 Qeyd edәk ki,  forumda Türkiyəni  prezident Rəcəb Tayyib Ərdoğan təmsil edəcək.