BMT, Dünya vә İslam bankları İraqa yardım edәcәk

Birlǝşmiş Millǝtlǝr Tǝşkilatı, Dünya vǝ İslam bankları İraqın iqtisadi böhrandan çıxması üçün yardım edǝcǝk.

Bu barǝdǝ İraqın Baş naziri Heydǝr ǝl-İbadi bǝyanat verib.

Yaxın şərq turu çərçivəsində İraqa sǝfǝr edǝn BMT-nin Baş katibi Ban Qi Mun və İraq Baş nazir Heydər əl-İbadi Baş nazirlikdǝ baş tutan görüşdǝn sonra birgǝ mǝtbuat konfransı keçiriblǝr.

İbadi buradakı çıxışında: ''BMT, Dünya vǝ İslam bankları İraqın iqtisadi böhrandan çıxması üçün yardım edǝcǝk. Bu yardımla bağlı bǝzi planlar gǝlǝcǝk hǝftǝ hǝyata keçirilǝcǝk'' deyib.

''İraqlılar DEAŞ ilǝ mübarizǝdǝ böyük müvəffəqiyyət ǝldǝ edib'' deyǝn İbadi: ''Terror yalnız İraqı deyil bütün dünyanı hǝdǝf aldığını göstǝrdi'' deyǝ vurğulayıb.

BMT-nin Baş katibi Ban Qi Mun isǝ terror tǝşkilatı DEAŞ ilǝ mübarizǝdǝ ǝldǝ etdiklǝri müvǝffǝqiyyǝtǝ görǝ, İraq ordusunu, hüquq-mühafizə orqanlarını, Haşdi Şabi və Peşmerge qüvvǝlǝrini təbrik edərək, beynǝlxalq ictimaiyyǝti İraq hökumǝtinǝ dǝstǝk olmaları ilǝ ǝlaqǝdar çağırış edib.

BMT-nin Baş katibi Ban Qi-Mun hǝmçinin ötǝn gün Babilistandakı stadionda törǝdilǝn terror aktını da pislǝyib.