Terror tәşkilatı DEAŞ-a ağır zәrbәlәr endirilib

Fransa Müdafiə Nazirliyi Suriyanın Rakka şəhərində terror təşkilatı DEAŞ-a məxsus silah-sursat anbarının Fransanın döyüş təyyarələrinin həyata keçirdiyi əməliyyat nəticəsində məhv edildiyini bildirib.

Açıqlamada həyata keçirilən hava əməliyyatına ABŞ və digər müttəfiq ölkələrin təyyarələrinin də dəstək verdiyi bildirilib.

Fransaya məxsus ''Mirage'' tipli döyüş təyyarələrin həyata keçirdiyi əməliyyat nəticəsində terror təşkilatına aid silah-sursatın tamamilə məhv edildiyi qeyd olunub.
Qeyd edək ki, terror təşkilatı DEAŞ ilə mübarizə çərçivəsində 20 döyüş təyyarəsi İordaniyada, 6 döyüş təyyarəsi isə Birləşmiş Ərəb Əmirliklərində hazır vəziyyətdə gözləyir.