İraqda vəba epidemiyası nəzarətdən çıxdı

Son dörd gündə İraqın müxtəlif bölgələrində 225 insana vəba diaqnozu qoyulması ilə vəba xəstələrinin sayı 2 min 476 oldu.

İraq Səhiyyə nazirliyindən verilən məlumata görə, paytaxt Bağdadla yanaşı, Dohuq, Səlahəddin, Babil, Divaniyyə, Musenna, Kərbəla, Zikar, Nəcəf, Süleymaniyyə və Kərkükdə son 4 gün ərzində 225 insana vəba diaqnozu qoyulub.

Məlumatda sentyabr ayından etibarən vəbaya tutulanların sayının 2 min 476 olduğu da qeyd olunub.

Son həftələrdə İraqın bir sıra şəhərlərində yağan yağışlar nəticəsində yaşayış yerlərinin su altında qaldığında səlahiyyətlilər xəstəlik haqqında xəbərdarlıq etmişdilər.