Kubanın əfsanə lideri Fidel Castro

Kubanın əfsanə lideri Fidel Castronun 89 yaşı ölkəsində böyük coşqu ilə qeyd edilir.
Bu münasibətlə paytaxt Havanada müxtəlif tədbirlər təşkil edilərək Kubaya xas musiqi və rəqslər nümayiş olunur. Bu arada Bolivya dövlət başçısı Evo Morales və Venesuela lideri Nikola Maduro sürpriz bir səfərlə Kubaya gələrək Fidel Kastronu ziyarət ediblər. Paytaxt Havanada əfsanəvi liderin xüsusi fotoşəkillərindən ibarət sərgi də açılıb. 1926-ci il təvəllüdlü Kastro ölkəsini 48 il fasiləsiz idarə edib, 2006-ci ildə səhhətindəki problemlərlə əlaqədar olaraq kürsüsünü qardaşı Raul Kastroya buraxıb.