Putin Roma Papası ilǝ görüşüb

İtaliyaya bir günlük rǝsmi sǝfǝr reallaşdıran Rusiya Prezidenti Vladimir Putin Vatikana gedǝrǝk Papa Fransisklǝ görüşüb.
İki liderin 50 dǝqiqǝ davam edǝn görüşündǝ Ukrayna böhranı vǝ Orta Şǝrqdǝki problemlǝrin müzakirǝ edildiyi bildirilib.
Papa Putinǝ Ukrayna böhranı haqqında sülh üçün sǝmimi şǝkildǝ cǝhd göstǝrilmǝsinin vacibliyini dilǝ gǝtirib vǝ tǝrǝflǝri Minsk sazişinǝ ǝmǝl etmǝyǝ çağırıb.
İki lider Orta Şǝrqdǝ xüsusilǝ Suriya vǝ İraqda beynǝlxalq ictimaiyyǝtin konkret addımlar atması ilǝ yaxın zamanda sülhün tǝmin edilǝcǝyi barǝdǝ hǝmfikir olub.
Putin İtaliyaya sǝfǝrindǝ son olaraq Prezident Sergio Mattarella ilǝ bir araya gǝlib.
Rusiya Prezidenti İtaliya vǝ Vatikana sǝfǝrinin ilk hissǝsindǝ İtaliya Baş naziri Matteo Renzi ilǝ birlikdǝ Milandakı EXPO sǝrgisinǝ qatılıb vǝ iki ölkǝ arasındakı ticarǝt ǝlaqǝlǝrinin daşıdığı ǝhǝmiyyǝtǝ diqqǝt çǝkib.
Putin Ukrayna böhranına görǝ ölkǝsinǝ tǝtbiq edilǝn sanksiyaların İtaliya şirkǝtlǝrinǝ dǝ zǝrǝr verdiyini vurğulayıb.