Obama "Böyük yeddiliyin" zirvǝ yığıncağından sonra açıqlama yayı

Obama “Böyük yeddiliyin” zirvǝ yığıncağından sonra açıqlama yayıb.
ABŞ prezidenti Barak Obama Almaniyanın ev sahibliyindǝ Krün şǝhǝrindǝki Elmau qǝsrindǝ keçirilǝn G7 zirvǝ yığıncağından sonra qǝbul edilǝn qǝrarlara dair açıqlama verib.
Suriya vǝ İraqa xarici ölkǝlǝrdǝn döyüşçülǝrin getmǝsinǝ mane olunması barǝdǝ irǝlilǝyiş olduğunu bildirǝn Obama deyib ki, hǝlǝ dǝ minlǝrlǝ xarici döyüşçü Suriyadadır vǝ onlar daha sonra İraqa daxil olurlar. Әgǝr onların adı çǝkilǝn ölkǝlǝrǝ getmǝsinǝ mane ola bilsǝk, daha sonra bölgǝdǝki DAİŞ qüvvǝlǝrinin gücünü azalda bilǝrik.
Obama İraq qüvvǝlǝrinin tǝlim prosesinin sürǝtlǝndirilmǝsinin vacibliyini dǝ dilǝ gǝtirǝrǝk İraq ordusunun tǝlimi mövzusunda tamamlanmış bir strategiyalarının olmadığını da etiraf edib.
Barak Obama G7 zirvǝ yığıncağında Ukraynadakı böhranın da gündǝmǝ salındığını qeyd edǝrǝk deyib ki, G7 Ukraynanı dǝstǝklǝmǝkdǝ davam edǝcǝkdir.
Artıq ikinci ildir ki, sammitin Rusiyanın iştirakı olmadan keçirildiyini bildirǝn Obama G7 ölkǝlǝrinin hǝr bir üzvünün Ukraynaya tǝtbiq etdiyi mütǝcaviz mövqeyinǝ görǝ Rusiyaya qarşı sanksiyalarını davam etdirǝcǝyini vurğulayıb.
Obama Rusiya lideri Putini Sovet imperiyası xǝyalları dalınca gedǝrǝk ölkǝ iqtisadiyyatını fǝlakǝtǝ aparıb çıxarmaqda ittiham edib.