Yǝmǝndǝ şiǝ husilǝrǝ qarşı ǝmǝliyyatlar davam edir

Atǝşkǝs qǝrarının müddǝtini uzatmağı qǝbul etmǝyǝn Sǝudiyǝ Әrǝbistanının başçılığındakı Әrǝb koalisiyası husilǝrǝ mǝxsus hǝdǝflǝri bombalayır.
Koalisiyanın Yǝmǝnin sabiq prezidenti Әli Abdullah Salehin oğlu Әhmǝd Әli Abdullah Salehin evinǝ hava zǝrbǝsi endirdiyi vǝ hücumda ölǝnlǝr olduğu bildirilib.
Husilǝr dǝ sǝrhǝd mǝntǝqǝsindǝki Sǝudiyǝ Әrǝbistanının Necran ǝyalǝtinǝ top atǝşi açır, sǝrhǝd mǝntǝqǝsindǝki tǝhlükǝsizlik qüvvǝlǝrilǝ toqquşur.
BMT-nin Baş katibi Pan Gi Mun da Sǝudiyǝ Әrǝbistanının atǝşkǝs qǝrarının müddǝtini uzatmamasını tǝnqid edib.
Baş katib BMT tǝrǝfindǝn hazırlanan vǝ bugün gecǝ Tǝhlükǝsizlik Şurasında müzakirǝ edilǝcǝk hesabat barǝdǝ mǝlumat verib. O, Somalidǝki terror qruplarına Yǝmǝndǝ bir koridor açılması tǝhlükǝsinǝ toxunub.

BMT-nin mǝlumatına ǝsasǝn Yǝmǝndǝ indiyǝdǝk 1850 nǝfǝr ölüb, 500 min incan isǝ didǝrgin düşüb.