"Hər gün dünyada yüzlərlə uşaq yol qəzalarının qurbanı olur"

Yol-nəqliyyat hadisələri qurbanlarının Ümumdünya xatirə günü münasibətilə BMT – nin baş katibi Pan Gi Mun müraciət edib. Müraciətdə yol qəzaları 15-29 yaşlı gənclərin ölümünə başlıca səbəb kimi göstərilir. Baş katib qeyd edib ki, hər gün məktəb və ya bağçaya gedərkən yüzlərlə uşaq yol qəzası nəticəsində ölür.BMT rəhbəri Keniya, Fransa, Çin, Rusiya və Türkiyənin yollarda təhlükəsizliyin təmin olunması istiqamətində səylərini yüksək dəyərləndirib. Onun sözlərinə görə, bu ölkələrdə yeni qanunlar qəbul edilir, müvafiq tədbirlər gücləndirilir.