"Londonu İşğal Et" etirazı

İngiltǝrǝ parlamenti qabağında “Londonu İşğal Et” etirazı keçirilib.
London polisi, parlament binası qabağında hǝftǝ sonundan bǝridir keçirilǝn kapitalizmǝ qarşı etiraz aksiyası keçirǝn nümayişçilǝri meydandan çıxarıb.
Polis, aksiyaçıları qanunlara görǝ parlament binasının qarşısındakı meydanda çadır qura bilmǝyǝcǝklǝri barǝdǝ xǝbǝrdar etdiyini bildirǝrǝk, “ Bu çǝrçivǝdǝ aksiyaçılardan meydanı boşaltmalarını bir neçǝ dǝfǝ istǝdik. Bu olmayacağı tǝqdirdǝ çıxarılacaqlarını xǝbǝrdar etdik” açıqlaması verib.
Gecǝni qurduqları bir açıq çadırın altında yataraq keçirǝn qrupa qanunları pozduqlarına görǝ müdaxilǝ edǝn polis, bu şǝxslǝri sǝhǝr saatlarında nǝzarǝt altına alıb. Polis, saxlanılan şǝxslǝrin Londonun mǝrkǝzindǝki bir polis mǝrkǝzinǝ aparıldığını bildirib.
Üç il ǝvvǝl Londondakı St. Pauls Katedralı qarşısında qurduqları çadırlarda hǝftǝlǝrlǝ meydanı işğal edǝn “Occupy London(Londonu İşğal Et)" adlı qrup, parlament binası qabağında keçirdiklǝri etiraz aksiyası ilǝ hökumǝtin iqtisadiyyat, sǝhiyyǝ vǝ tǝlim sahǝlǝrindǝki siyasǝtlǝrini etiraz etmişdi.