Ukrayna yardım daşıyan yük maşınlarına icazǝ vermǝyǝcǝyini açıql

Rusiya, Ukraynaya 280 yük maşınından ibarǝt humanitar yardım göndǝrib.
Ukraynalı rǝsmilǝr Rus ordusunun nǝzarǝtindǝ hǝrǝkǝt edǝn yük maşınlarına icazǝ vermǝyǝcǝyini açıqlayıb.
Ukrayna, humanitar yardım vǝsaiti olaraq göstǝrilǝn yardımların içǝrisindǝ silah vǝ ǝsgǝr göndǝrilmǝsindǝn qorxur.
Ukrayna Milli Tǝhlükǝsizlik vǝ Müdafiǝ Şurası sözçüsü Andriy Lysenko, yardım maşınlarına Beynǝlxalq Qızıl Xaç Tǝşkilatı tǝrǝfindǝn sertifikat verilmǝdiyini vǝ heç bir ordunun başqa ölkǝyǝ göndǝrilǝn humanitar yardım karvanına nǝzarǝt etmǝ haqqı olmadığını vurğulayıb.
Ukrayna hökumǝti, yardımların keçid mǝntǝqǝsindǝ maşınlardan boşaldılmasını vǝ sǝrhǝd zonasında Beynǝlxalq Qızıl Xaç Tǝşkilatının nǝzarǝtindǝki maşınlara yüklǝnmǝsini istǝyib.
Ukrayna hökumǝti vǝ Qızıl Xaç Tǝşkilatı, Rusiyadan hǝrǝkǝt edǝn yük maşınlarının haraya getdiyi vǝ dǝqiq olaraq nǝ daşıdığı barǝdǝ mǝlumatı olmadığını açıqlayıb.
Rusiya Xarici İşlǝr Nazirliyi isǝ yardımların Ukrayna sǝrhǝddini keçǝcǝyini vǝ Qırmızı Xaç Tǝşkilatının nǝzarǝtindǝ yoluna davam edǝcǝyini bildirib.