Xarici mətbuat- 24 Aralık 2020
Dünya mətbuat və veriliş orqanlarında gündəmə dair xəbərlərin xülasəsi
“Welt.de”: BioNTech-Pfizerın Koronavirus əleyhinə hazırladığı peyvəndin paylama prosesləri bu gün başladı. Buna Avropa İttifaqının təsdiqi ilə start verildi.
“ard.de”: Almaniyada yeni növ koronavirüs (Kovid-19) epidemiyası son 24 saatda 962 insanın ölümünə səbəb olub. Bu da epidemiyanın başlandığı gündən bəri ən yüksək gündəlik həyat itkisi olaraq qeyd edilib.
“Frankfurter Allgemeine Zeitung”: Amerika Birləşmiş Ştatları (ABŞ) Prezidenti Donald Tramp Konqres tərəfindən təsdiqlənən yeni Kovid-19 yardım paketində dəyişiklik tələb edib.
“El-Cezire” (Qətər Televiziya Veb Saytı): Efiopiyanın qərbindəki bir bölgədə silahlı qrupların hücumu nəticəsində 100-dən çox mülki şəxs həyatını itirib.
“El-Quds el-arabi (Ərəb - İngilis qəzeti): İsrailli bir nazirin məlumatına görə ABŞ Prezidenti Donald Tramp səlahiyyət müddəti bitməzdən əvvəl daha bir İslam ölkəsi ilə əlaqələri normallaşdıra bilər.
“El-Quds el-arabi” (Ərəb - İngilis qəzeti): Tramp administrasiyası Səudiyyə Ərəbistanına dəqiqliklə idarə olunan bomba satmağı qəbul edib.
“El-Raye el-Qatariyye” (Qətər Qəzeti): Birləşmiş Millətlər Təşkilatı (BMT) Təhlükəsizlik Şurası, Afrika Birliyi-BMT Sülhməramlı Missiyasının (UNAMID) Qərbi Sudanın Darfur bölgəsindəki vəzifəsini sona çatdırıb.
“Le Monde” (Fransa): Brexitdən sonra (İngiltərənin Aİ-dan çıxması) Aİ və İngiltərə razılığa yaxınlaşdı.
“Le Figaro” (Fransa): Fransa Daxili İşlər Naziri Gerald Darmanin valilərdən Milad dövründə ibadət yerlərinin təhlükəsizliyini gücləndirmələrini istəyib.
“Fransa 24” (Fransa): Kovid-19-a yoluxan Fransa Prezidenti Emmanuel Macronun sağlamlıq vəziyyəti yaxşılaşır.
“El País” (İspaniya): Sosialist Partiya (PSOE) və Milliyyətçilər, Kral VI. Felipe-in Milad mesajında "İspaniyanın keçmiş Kralı Juan Carlosun rüsvayçılığına toxunmasını” gözləyirlər.
“El Universal” (Meksika): Jalisco əyalətinin keçmiş valisinin öldürülməsi ilə əlaqədar bir nəfər həbs olundu.
“Clarín” (Argentina): Argentina hökuməti Rusiyanın koronavirus əleyhinə peyvəndinin istifadəsini təsdiqləyib.
“İnterfaks Agentliyi”: ABŞ Dövlət Departamenti, Federal Müdafiə Agentliyinin (Rusiya kəşfiyyatı) Rus müxalifətçisi Aleksey Navalnının zəhərlənməsindən məsul olduğunu düşünür.
“Lenta.ru”: Stokholm Beynəlxalq Arbitraj Məhkəməsinin qaz qiymətinə dair baxdığı iddiada Polşanın lehinə qərar verib. Rusiyanın Qazprom şirkəti məhkəmə işini itirib.
“TASS Agentliyi”: Amerikan dergisi Forbes, əczaçılıq şirkəti biontech-in Türkiyə mənşəli sahibi Uğur Şahini pandemiya dövründə ən çox qazanan 50 yeni milyarder siyahısına salıb.
