Xarici mətbuat, 9 mart 2020

“Al Raya – Al Katariya” (Qətər): Türkiyə prezidenti Rəcəb Tayyib Ərdoğan “Suriyanın İdlib bölgəsində atəşkəslə bağlı verilən sözlər yerinə yetirilməzsə, “Bahar qalxanı” hərəkatını öz üsulumuzla davam etdirəcəyik” dedi.

“Al Ayam” (Bəhreyn): Portuqaliya prezidenti Marselo Rebelo de Sousa özünü karantinə aldıran ilk ölkə başçısı oldu: o, korona virusuna qarşı görülən tədbirlər çərçivəsində iki həftə boyu bütün rəsmi proqramlarını ləğv etdi. 

“Alsharq Alawsat” (Səudiyyə Ərəbistanı, ingiliscə): Səudiyyə Ərəbistanında korona virusu ilə bağlı kafe və restoranlarda nargilə xidməti müvəqqəti təxirə salındı.

“El País” (İspaniya): “Brexit”dən ispanların 60 faizi narahatdır.

“İnfobae” (Argentina): Asiya birjaları korona virusu qorxusuyla düşməyə davam edir.

“Telesur” (Venezuela): Ekvadorda korona virusuna yoluxma hadisəsi 15-ə yüksəldi.

“Le Monde” (Fransa): OPEC böhranı neft kursları ilə birlikdə Asiya birjalarını da çökdürdü.

“Le Temps” (İsveçrə): Korona virusu ilə mübarizə üçün italiyalıların dörddə biri karantin altındadır.

“Libération” (Fransa): Korona virusuyla bağlı Aİ də başını itirdi

“Deutsche Welle” (Almaniya): Türkiyə prezidenti Rəcəb Tayyib Ərdoğan Ai Komissiyasının sədri Von der Leyen və Avropa Şurasının sədri Mişellə görüşmək üçün 9 martda Belçikanın paytaxtı Brükselə yola düşür.

“Spiegel.de” (Almaniya): Türkiyə prezidenti Rəcəb Tayyib Ərdoğan Yunanıstan rəhbərliyinə səslənərək Avropaya getmək üçün Türkiyə sərhədində gözləyən mühacirlərə qapıların açılmasını tələb etdi.

“Reuters” (İngiltərə): Neft qiymətində sərt eniş oldu.

TASS (Rusiya): Rusiya müqaviləyə əməl etməzsə, Türkiyə İdlibdə hərəkətə keçəcəyini bildirdi.

“RİA Novosti” (Rusiya): Rusiya silah ixracatında üç lider ölkə arasındadır.