Xarici Mətbuat

ABŞ, Associated Press:

Türkiyə Prezidenti Rəcəb Tayyib Ərdoğan miqrantların Yunanıstandan Türkiyəyə geri qaytarıldığı ilk gün qaçqınların qarşısının alınması səbəbilə Avropaya sərt reaksiya bildiriib. R.T.Ərdoğan sərhədlərinə tikanlı məftillər hördüyü və insanlara qapı açmadığı üçün Avropaya sərt mesajlar göndərib. Ölkə başçısı bildirib ki, biz Suriyadan gələnləri geri qaytarmadıq, amma Avropa bunu etdi. Türkiyə Əgə dənizindən 100.000 qaçqın xilas edib və suriyalı miqrantlar üçün bu günə qədər 10 milyard dollar pul xərcləyib. Qeyd edək ki, Yunanıstan aprel ayının 4-də Aİ-nin miqrantlarla bağlı müqaviləsinə əsasən qaçqınları Türkiyəyə geri göndərməyə başlayıb.

ABŞ, Bloomberg: İnflyasiya​ 3 ilin ən aşağı həddindədir

Türkiyədə inflyasiya​ nisbəti son üç il ərzində böyük həcmdə enərək Mərkəzi Bankın faiz nisbətini endirməsi üçün daha geniş hərəkət miqyası yaradır. Qiymət artımları fevral ayında 8.78 faizdən 7.46 faizə enərək "Bloomberg"in analitiklərinin proqnozlaşdırdıqları 8.2 faizdən aşağı olub. Türkiyə Statistika İdarəsi ərzaq məhsullarının qiymətlərindəki illik artımın mart ayında əvvəlki aya nisbətən 8.83 faizdən 4.58 faizə düşdüyünü bildirib. Verilən açıqlamadan sonra türk lirəsində hər hansı bir dəyişiklik baş verməyib. Mərkəzi Bankın rəhbəri Ərdəm Başçının keçən ay 1 gecəlik borc vermə nisbətini endirməsindən sonra Mərkəzi Bank mart ayında inflyasiyanın illik dəyərinin yavaşlamasının ötən il baş verən kəskin yüksəlişdən qaynaqlandığını bildirib. .

Özbəkistan, KUN İnformasiya Agentliyi : Altay tankı istehsala hazırdır!

Türkiyənin ən böyük müdafiə sənayesi şirkətlərindən biri olan Otokar şirkəti yeni Altay tankının istehsala hazır olduğunu bildirib. Anadolu Agentliyinin verdiyi xəbər görə, bu tank Türkiyədə mütəmadi istehsal ediləcək ilk hərbi texnika olacaq. Yeni tankın layihəsi Cənubi Koreyanın Hyundai Rotem şirkətinə məxsusdur. Tankın ilk nümunəsi 2011-ci ildə nümayiş etdirilib. Yeni tankın sistemi Cənubi Koreyanın "Qara Pantera" tankı ilə eynidir. Türk ordusu bu tankdan 1000 ədəd sifariş verəcək. Tanklar 250 ədəd olmaqla 4 dəfə istehsal olunacaq. Tankın ağırlığı təxminən 60 tondur. 1500 at gücünə malik olan tankın bir mühərriki və 120 kilometr kalibrli top atəşli silahı var.

ABŞ, Defense News​: HÜRKUŞ test sınağından uğurla keçib

Türk Aviasiya və Kosmik Sənayesi Anonim Şirkəti (TUSAŞ-TAİ) tərəfindən istehsal olunan Hürkuş özünə Avropa Aviasiya Təhlükəsizliyi Agentliyi sertifikatını qazandıracaq ilk riskli uçuş testindən uğurla keçib. TAİ iki Hürkuş nümunəsi HUR01 və HUR02-nin, EASA-nın uçuş testi pilotu və uçuş testi mühəndisi tərəfindən 22-25 mart tarixlərində sınaqdan keçirildiyini bildirib. Şirkət keçirilən 6 sınağın sonunda testlərin uğurla yekunlaşdığını bildirib. TAİ Hürkuş əsas təlim təyyarəsinin 2018-ci ildə işə başlayacağını qeyd edib.