Bağdad Beynəlxalq Hava Limanına hücum edildi

İraqın paytaxtı Bağdaddakı Bağdad Beynəlxalq Hava Limanına “Katyuşa” raketləri atılıb.
Bu barədə İraqın İNA xəbər agentliyinin təhlükəsizlik mənbəsinə istinadən yaydığı məlumatda bildirib. Raketlərdən birinin  Bağdad Beynəlxalq Hava Limanında boş əraziyə, digəri isə həmin ərazidə yerləşən Terrorla Mübarizə Xidmətinin avtomobil dayanacağına düşüb. 
Bildirilib ki, hücum zamanı xəsarət alan olmayıb.
Təhlükəsizlik qüvvələri Bağdadın Əmiriyyə rayonunda da bir avtomobildə raket kompleksi aşkar ediblər.