Bosniya və Herseqovinada canlı yayımda yardım kampaniyası
Bosniya və Herseqovina Radio və Televiziyasının (BHRT) ev sahibliyi ilə fevralın 6-da Türkiyədə baş vərən və episentri Kahramanmaraş olan zəlzələdən zərərçəkənlər üçün canlı yayımda yardım kampaniyası təşkil edilib.
“BHRT” telekanalı və Bosniya və Herseqovina yardım təşkilatı Pomozi.ba-nın əməkdaşlığı ilə reallaşan canlı yayıma siyasət, iş, sənət və idman dünyasından böyük maraq göstərilib. Zəlzələ qurbanları üçün təşkil edilən yardım kampaniyası çərçivəsində 80 mindən çox yardım çağırışı qəbul edilib və 150 min Avrodan çox yardım toplanıb.
Proqrama qatılan Bosniya və Herseqovina Rəyasət Heyətinin bosniyalı üzvü Denis Becirovic 2014-cü ildə ölkəsində baş verən sel fəlakətində ilk yardım edən ölkənin Türkiye olduğunu xatırladıb. Şuranın xorvat üzvü Zeljko Komsiç də əvvəlki günlərdə Bosniya və Herseqovinadan Türkiyeyə çoxlu yardım göndərildiyini ifadə edərək: “Bosniya və Herseqovina vətəndaşı olaraq bu axşam təşkil edilən proqramla fəxr edirəm”.
Proqramda xarici işlər naziri Elmedin Konakoviç, tanınmış teatr və kino aktyorları, Bosniya, Xorvatiya və Serb din xadimləri, sosial media fenomenləri, media və bir çox şirkət nümayəndələri iştirak edib.
Canlı yayım ölkə ərazisində böyük maraqla qarşılanıb. Canlı yayımda “Trabzonspor”da çıxış edən bosniyalı futbolçu Edin Viska, “Fənərbaxça”nın keçmiş futbolçusu Elvir Boliç də iştirak edib.
Әlaqәli Xәbәrlәr
İranda baş verən zəlzələ Türkiyedə də hiss olunub
Episentri İranın Qərbi Azərbaycan əyalətinin Xoy şəhəri olan 5,6 bal gücündə zəlzələ qeydə alınıb.
