İran zəlzələ ilə bağlı Azərbaycanın yardım təklifini qəbul etməyib

Azərbaycan dövləti İranın Xoy şəhərində zəlzələdən zərər çəkmiş soydaşlara yardım etməyə hazırdır, lakin İran buna imkan vermir.

Bu barədə diplomatik mənbələrdən əldə edilən məlumatda bildirilib.

Diplomatik mənbələrdən əldə edilən məlumata görə, Azərbaycan dövləti Tehran səfirliyinə hücumla bağlı iki ölkə arasında son böhrana baxmayaraq, İranın Xoy şəhərində zəlzələsindən sonra  bu ölkəyə yardım təklif edib.

Rəsmi Tehran Azərbaycanın yardım təklifini qəbul etməyib.

Zəlzələdən zərərçəkənlərə yardım etməyən İran hökuməti başqalarının da yardım göstərməsinə  imkan vermir.

Qeyd edək ki, yanvarın 18 və 28-də İranın mütləq əksəriyyəti azərbaycanlıların yaşadığı Xoy əyalətində zəlzələ baş verib.

Zəlzələlər nəticəsində mindən artıq insan yaralanıb, 3 nəfər ölüb.