Rusiya-Belarus hərbi uçuş təlimi başladı

  Belarus Müdafiə Nazirliyi Rusiya ilə birgə hərbi uçuş təliminin başladığını elan edib.

  Nazirliyin mətbuat xidmətindən verilən məlumata görə, 16 yanvarda Belarus Silahlı Qüvvələri və Rusiya Silahlı Qüvvələrinin birgə regional enerji aviasiya bölmələrinin birgə taktiki-uçuş təlimi başlayıb.

  Rusiya tərəfindən hərbi manevrə Hava və Kosmos Qüvvələrindən bir birləşmə qatılıb.

  Təlimin əsas məqsədi döyüş hazırlığı tapşırığının birgə icrasında əməliyyat uyğunluğunu təmin etməkdir.

  Hava-desant kəşfiyyatı, sərhəd boyu hava məkanında müştərək patrul, qoşunlara hava dəstəyi, taktiki hava desant qoşunlarının köçürülməsi, itkilərin təxliyyəsi və yüklərin çatdırılması manevrləri yerinə yetirilir.

  Xatırladaq ki, Rusiya prezidenti Vladimir Putin və Belarus prezidenti Aleksandr Lukaşenko 2022-ci ilin oktyabr ayında Rusiya-Belarus İttifaqı sərhədlərində gərginliyin artması səbəbindən iki ölkənin hərbi birləşmələrindən ibarət birgə regional qüvvə yaratmaq qərarına gəlmişdilər.

  Belarus Müdafiə Nazirliyi yanvarın 6-da Rusiya-Belarus müştərək regional qüvvəsinin müdafiə missiyasına hazır olduğunu açıqladı və gələcəkdə müxtəlif birləşmə səviyyələrində birgə hərbi birləşmələrin təkmilləşdirilməsi üzrə işlərin davam etdiriləcəyini bildirdi.

  Rusiya-Belarus hərbi təlimi fevralın 1-dək davam edəcək.