Volodimir Zelenski: "İndiyədək ümumilikdə 1300-dən çox ukraynalı Rusiyanın əsirliyindən azad edilib"

Ukrayna Prezidenti Volodimir Zelenski Rusiyanın ölkəsində müharibəyə başladığı 24 fevraldan bəri ümumilikdə 1300-dən çox Ukrayna hərbçisinin Rusiyanın əsirliyindən azad edildiyini açıqlayıb.

V.Zelenski dekabrın 1-de gecə saatlarında "Telegram" hesabında paylaşdığı video-müraciətində ​​Ukraynada Rusiyaya qarşı müharibənin davam etdiyini xatırladaraq deyib:

"Dekabrın 1-də Rusiya ilə reallaşan əsir mübadiləsi ilə 50 Ukrayna hərbçisi evlərinə qayıtdı. İndiyədək ümumilikdə 1300-dən çox ukraynalı Rusiyanın əsirliyindən azad edilib. Bütün Ukrayna azad olacaq. Bütün ukraynalılar evlərinə qayıdacaqlar".

Ukraynadakı dini xidmət qurumlarında Rusiya kəşfiyyat təşkilatlarının səlahiyyətlərinin ixtisar edilməsi üçün təhlükəsizlik qüvvələrilə yığıncaq keçirdiklərini qeyd edən Ukrayna lideri "Milli təhlükəsizliyin qorunmasına cavabdeh olan bütün qurumlar Rusiyanın xüsusi kəşfiyyat təşkilatlarının Ukraynanın dini qurumlarındakı təxribat fəaliyyətini aşkar etmək və onlara qarşı görüləcək tədbirləri gücləndirməlidir. Və şəxsi sanksiyalara əl atmalıdır. Tezliklə adlar açıqlanacaq". ifadələrdən istifadə etmişdir.