Rusiya Xarkova reaktiv yaylım atəşi sistemi ilə yenə hücum etdi

  Rusiya hərbi qüvvələrinin Ukraynanın şərqindəki Xarkov şəhərinin mərkəzinə reaktiv yaylım atəşi sistemi ilə endirdiyi hücumlarda 1 nəfər ölüb, 2 nəfər yaralanıb.

  10 sentyabr axşamı Xarkov şəhərinin mərkəzində 5 ayrı partlayış səsi eşidilib: Rusiya qüvvələrinin şəhərə atdığı raketlər 5 evə düşüb. Nəticədə 2 evdə yanğın baş verib, 3 evə ziyan dəyib.

  Yanğınlar səbəbiylə ətrafı güclü tüstü bürüyərkən bölgəyə çoxlu təcili yardım və polis qrupları sövq edilib.

  Yanğınsöndürənlərin köməkliyi ilə yanğınlar söndürülüb.

  Hücumlara görə Xarkovun mərkəzində tez-tez həyəcan siqnalları səslənib.

  Qeyd edək ki, Rusiya sərhədindən təxminən 45 kilometr aralıda və Ukraynanın paytaxt Kiyevdən sonra ikinci ən böyük şəhəri olan Xarkov tez-tez Rusiya qüvvələrinin raket və raket hücumlarına məruz qalır. Hücumlara görə Xarkov əhalisinin yarısı şəhəri tərk edib.

  Digər tərəfdən, Rusiya Müdafiə Nazirliyi ordusunun nəzarətində olan Ukraynanın Xarkov vilayətinin İzyum və Balakley şəhərlərindən çəkilməyə başladığını bildirib: “Hərbi əməliyyatın məqsədə nail olması üçün Rusiya silahlı qüvvələri Xarkov vilayətinə bağlı Balakleya və İzyum şəhərlərindəki qoşunlarını Donetsk Xalq Respublikası ərazisinə yönəldib”.

  Xatırladaq ki, Rusiya fevralın 24-dən Ukraynaya hücum edib.