İsrail əsgərləri daha bir fələstinlini öldürüb
İsrail əsgərləri işğal altındakı Şərqi Qüds və İordan çayının qərb sahilinə hücum təşkil ediblər.
TRT-nin Fələstinin Səsi Radiosuna istinad etdiyi xəbərə görə İsrail ordusu Qüdsün şimalındakı Kefr Akab qəsəbəsində bir fələstinlinin evinə basqın edib. Basqın zamanı güllə yarası alan fələstinli Məhəmməd əl-Haşşam şəhid olub. Bildirilir ki, Haşşam başından, sıfır məsafədən gülləlinib.
İsrail polisi isə Haşşamın silahlı olduğu şübhəsi ilə vurulduğunu irəli sürüb.
Fələstinin Səsi Radiosu həmçinin bildirib ki, İsrail qüvvələri İordan çayının qərb sahilinin müxtəlif şəhər və qəsəbələrində 22 fələstinlini nəzarətə götürüb.
Birləşmiş Millətlər Təşkilatının hesabatlarına görə, İsrail qüvvələri 2022-ci ilin ilk ayından iyunun 26-dək Fələstin ərazilərinə təxminən 1600 dəfə basqın verib. Basqınlar zamanı 60 fələstinli həyatını itirib, 6 minə yaxın fələstinli isə yaralanıb.
Әlaqәli Xәbәrlәr
Rusiyada 22-27 aprel tarixlərində altıgünlük iş həftəsi tətbiq edilir
Rusiyada 22-27 aprel və 9-12 may tarixlərində iş və qeyri-iş günləri