İraqda DEAŞ terror təşkilatına qarşı əməliyyatda 9 terrorçu məhv edilib

İraqın Kərkük şəhərinin Serqaran qəsəbəsi yaxınlığında iki gün əvvəl terror təşkilatı DEAŞ-a qarşı başladılan əməliyyatda 9 terrorçu məhv edilib.
İraq hökumətinin Təhlükəsizlik Media Şəbəkəsindən verilən yazılı açıqlamada İraq ordusunun mayın 9-da Serqaran qəsəbəsi yaxınlığında terror təşkilatına qarşı başlatdığı əməliyyatın davam etdiyi bildirilib.

Açıqlamada bölgədəki Qrav təpəsi yaxınlığında terror təşkilatı üzvlərinin gizləndiyi bunkerin dağıdıldığı və bunkerdəki 9 terrorçunun məhv edildiyi qeyd olunub.