Bolqarıstanın Baş naziri Kiril Petkovdan Ukraynaya güclü dəstək
Bolqarıstanın Baş naziri Kiril Petkov “Ukraynaya silah yardımı” ilə bağlı müzakirələr davam edərkən, bu ölkəyə “silah təmin etmək məqsədilə” bir aylıq maaşını bağışladığını açıqlayıb.
Petkov sosial media hesabında paylaşdığı açıqlamada: “Ukraynaya silah yardımı siyasi və sosial qərar birliyindən asılıdır. Məsələ ilə bağlı cəmiyyətdə ifrat fikirlər paylaşılır. Daha bu sahədə konkret addım atmağın vaxtıdır”. Ukraynaya silah göndərən bir çox Avropa ölkəsinin adını sadalayan Petkov, Bolqarıstandakı bəzi narahatlıqların əksinə Rusiyanın bu ölkələrə müharibə elan etmədiyinə diqqət çəkərək: “Ukraynaya həqiqətən kömək etmək istəyən hər bir Bolqarıstan vətəndaşını mənim kimi maaşını bağışlamağa çağırıram. Söz demək asandır, iş görmək çətindir. Daha konkret addım atmağın vaxtıdır”. Petkov ianəsinin bank qəbzini də bölüşüb.
Qeyd edək ki, Bolqarıstan hökumətini təşkil edən 4 siyasi qüvvənin liderləri Ukraynaya silah yardımı göndərilməsi mövzusunda qərar qəbul etmək üzrə iclas keçirəcək. Petkov isə sabah Ukraynanın paytaxtı Kiyevə edəcəyi səfər öncəsi koalisiyadan bu mövzuda razılığa gəlməsini tələb edib.
Әlaqәli Xәbәrlәr
Rusiyada 22-27 aprel tarixlərində altıgünlük iş həftəsi tətbiq edilir
Rusiyada 22-27 aprel və 9-12 may tarixlərində iş və qeyri-iş günləri