Fələstinlilərin Şərqi Qüds və İsrailə girişi qadağa edildi
İsrail ordusu İordan çayının qərb sahili və Qəzzada yaşayan fələstinlilərin işğal altındakı Şərqi Qüds və İsrailə girişinin cümə axşamı saat 17:00-dən şənbə gününə dək qadağa edildiyini bildirib.
İsrail ordusundan qərar ilə əlaqəli açıqlama verilib. Bildirilib ki, işğal altındakı İordan çayının qərb sahilində və mühasirədəki Qəzzada yaşayan fələstinlilərin Şərqi Qüds və İsrailə girişi dayandırılıb. Qərar bu gün(21 Aprel) yerli vaxtla saat 17.00-dən şənbə gününə dək qüvvədə qalacaq. Keçidlərin yenidən açılıb-açılmamasına dair qərar isə ərazidəki təhlükəsizlik qiymətləndirildikdən sonra qəbul ediləcək. Açıqlamada qeyd edilib ki, İordan çayının qərb sahilində yaşayan fələstinlilərə qoyulan məhdudiyyətlər yalnız “humanitar, tibbi və müstəsna hallarda” yüngülləşdiriləbiləcək.
Qərara görə İordan çayının qərb sahilində yaşayan 50 yaşdan yuxarı fələstinli kişilərin və hər yaşdan qadınların Ramazan ayının üçüncü cümə namazı üçün işğal altındakı Şərqi Qüdsdəki Məscidül-Əqsaya daxil olmasına icazə veriləcək.