Ukraynada Rusiyanın hücumu nəticəsində azərbaycanlı ailə həyatını itirdi

  Ukraynanın Xerson şəhərində Rusiyanın hücumu nəticəsində azərbaycanlı ana və 2 yetkin uşağı həyatını itirdi.

  Ukraynanın Azərbaycandakı səfiri Vladislav Kanevski “facebook”da yaydığı məlumatda Xersonda yaşayan Qoşqar Fərzəliyev adlı azərbaycanlının həyat yoldaşı və 2 uşağının Rusiya qüvvələrinin hava hücumu nəticəsində həlak olduğunu bildirib.

  Rusiyanın təcavüzünün Ukraynada yaşayan bütün xalqlara kədər və ölüm gətirdiyini deyən Kanevskii Azərbaycan xalqına kədərini və başsağlığını çatdırıb.

  Digər tərəfdən, Rusiya ordusunun girməyə çalışdığı Ukraynanın paytaxtı Kiyevdə mülki əhalinin yaşadığı binanın raketlə vurulması nəticəsində 2 nəfər həyatını itirib.

  Vaxtaşırı partlayış səslərinin eşidildiyi Kiyevin Lobanovski rayonunda çoxmərtəbəli bina raketlə vurulub. Ukrayna Daxili İşlər Nazirliyindən verilən məlumata görə, hadisə nəticəsində 2 nəfər həlak olub, 4 nəfər yaralanıb.

  Kiyev icra hakimi Vitali Kliçko sosial media hesabından şəhərdə komendant saatı elan olunduğunu açıqlayraq bidlirib: “Kiyevdə fevralın 27-sindən 28-inədək yerli vaxtla 17:00 - 08:00 saat aralığında komendant saatı tətbiq olunacaq. Bu vaxt bayırda olanlar düşmən qrupundan sayılacaq”.