İsrail qüvvələri daha 13 fələstinlini nəzarətə götürüblər

Fələstinin rəsmi informasiya agentliyi VAFA bu barədə məlumat yayıb. Bildirib ki, İsrail qüvvələri İordan çayının qərb sahili və Şərqi Qüdsün müxtəlif bölgələrinə basqınlar təşkil edərək, İordan çayının qərb sahilində 10, Şərqi Qüdsdə 3 fələstinlini saxlayıblar. İordan çayının qərb sahilində nəzarətə alınanlar arasında 10 yaşlı iki uşağın da olduğu bildirilən xəbərdə, Ramallahda Abdulbasit Maatan adlı bir müəllimin xərçəng xəstəsi olmasına baxmayaraq nəzarətə götürüldüyü qeyd edilib.