Terror tәşkilatı PKK peşmәrgә qüvvәlәrinin mövqelәrinә hücum edib

İraqın Әrbil şәhәrindә separatçı terror tәşkilatı PKK İraq Kürd Regional Rәhbәrliyinә sadiq  olan peşmәrgә qüvvәlәrinә hücum edib.

Yerli mәtbuat orqanlarının yaydığı mәlumata görә, terror tәşkilatı PKK Әrbilin Soran qәsәbәsinin Sidekan bölgәsindәki peşmәrgә qüvvәlәrinә hücum edib.

Mәsәlә ilә bağlı açıqlama verәn peşmәrgә qüvvәlәrinin komandanı Behrem Arif Yasin PKK-nın peşmәrgәlәrin Sidekandakı mövqelәrinә hücum etdiyini, hücum zamanı ölәn vә ya yaralananın olmadığını bildirib.

Qeyd edәk ki, terror tәşkilatı PKK martın 12-dә dә Sidekan bölgәsindә hücum törәtmişdi. Hücum zamanı  peşmәrgә qüvvәlәrinin bir üzvü ölmüşdü, biri dә yaralanmışdı.