“İran və bölgə ölkələri Əfqanıstanın 90-cı illərə dönməsinə razı deyil", M.C.Zərif

  İranın xarici işlər naziri Məhəmməd Cavad Zərif “Talibanın planı İslam əmirliyinin yenidən qurulmasıdır, amma İran və bölgə ölkələri Əfqanıstanın 90-cı illərə dönməsinə razı deyil" dedi.

  İran rəsmi agentliyi İRNA-nın xəbərinə görə, Hindistan xarici işlər naziri Subrahmanyam Cayşankar və Əfqanıstan Milli Təhlükəsizlik Təşkilatının məsləhətçisi Həmdullah Muhibin də qatıldığı onlayn toplantıda çıxış edən M.Zərif deyib: "Talibanın planının İslam əmirliyinin yenidən qurulması olduğunu bilirik. Lakin bu plan praktik deyil və bunun üçün ümumi fikir birliyi yoxdur. İran və bölgə ölkələri Əfqanıstanın 90-cı illərə dönməsinə razı deyil."

  İranın xarici işlər naziri Əfqanıstandakı barış görüşləri və Amerika Birləşmiş Ştatları əsgərlərinin bu ölkədən geri çəkilməsiylə bağlı da fikrini bildirib: “ABŞ-ın Əfqanıstandan ayrılması müsbət addımdır. Taliban bu fürsəti şiddəti artırmaq üçün istifadə etməməli, hökuməti ilə zaman itirmədən ciddi müzakirələrə getməlidir."