Qətər Körfəz Əməkdaşlıq Şurası Sammitinə münasibət bildirib
Səudiyyə Ərəbistanında keçirilən 41-ci Körfəz Əməkdaşlıq Şurası Sammiti Qətərin digər ölkələrlə münasibətlərinə təsir göstərməyəcək, bunu Qətər Xarici İşlər Naziri Məhəmməd bin Əbdürrəhman Əl Sani deyib.
Qətərli nazir İngiltərədə nəşr olunan “Financial Times” qəzetinə müsahibəsində Körfəz Əməkdaşlıq Şurası Zirvəsinə münasibət bildirib.
Əl-Sani, zirvədə Qətərə regional embarqo tətbiq edən üç dövlətlə "terrorizmə qarşı mübarizə və beynəlxalq təhlükəsizlik” sahəsində əməkdaşlıq etməyi qəbul etdik”. İkitərəfli münasibətlərin Qətərin suveren qərarı və milli mənafeyi ilə formalaşdığına diqqət çəkən Əl-Sani Səudiyyə Ərəbistanında baş tutan toplantının başqa ölkələr ilə olan münasibətlərdə təsirinin olmayacağını vurğulayıb.
Qeyd edək ki, Körfəz böhranına son qoyan növbəti Körfəz Əməkdaşlıq Şurası Sammiti 5 yanvarda Səudiyyə Ərəbistanının Al-Ula şəhərində keçirildi. Zirvə toplantısında Qətərə embarqo tətbiq edən ölkələrin Doha rəhbərliyi ilə yenidən diplomatik əlaqələr qurduqları və embarqonun sona çatdığı bəyan edildi.
Xatırladaq ki, 5 iyun 2017-ci il tarixində Səudiyyə Ərəbistanı, Birləşmiş Ərəb Əmirlikləri, Bəhreyn və Misir "terror qruplarını dəstəkləməkdə " ittiham etdiyi Qətər ilə bütün diplomatik münasibətlərini dayandırdılar. Qətər bu ölkələrin bütün ittihamlarını rədd etsə də, vəziyyət Körfəz bölgəsində böhrana səbəb oldu.
Әlaqәli Xәbәrlәr
Yunanıstanda ardıcıl iki zəlzələ baş verib
Yunanıstanda 5,6 və 5,7 bal gücündə ardıcıl iki zəlzələ baş verib.