Rәsulaynda terror aktı törәdilib, ölәnlәr var

Suriyanın şimalındakı Rәsulayn qәsәbәsindә törәdilәn iki terror hücumu nәticәsindә 2 dinc sakin hәlak olub, 11-i dә yaralanıb.

Mәlumata görә, Rәsulayn qәsәbәsinin Tel Halaf kәndindә partlayıcı qurğunun işә salınması nәticәsindә partlayış baş verib. Sözügedәn hücum nәticәsindә ölәn vә ya yaralanan olmayıb.

İkinci partlayışın isә eyni kәnddә minalanmış avtomobil ilә törәdildiyi bildirilib. Hadisә nәticәsindә biri uşaq olmaqla 2 nәfәr hәlak olub, 11 nәfәr dә yaralanıb.

Yaralananlardan 2-nin vәziyyәti ağır olaraq qiymәtlәndirilir. Onların Türkiyәyә gәtirildiyi bildirilib.

Hücumla bağlı araşdırma aparan yerli tәhlükәsizlik qüvvәlәri terror aktının terror tәşkilatı YPG/PKK tәrәfindәn törәdilmiş ola bilәcәyini istisna etmәyib.

Qeyd edәk ki, Rәsulayn qәsәbәsinin mәrkәzi Türkiyә Silahlı Qüvvәlәrinin 2019-cu ilin 12 oktyabr tarixindә hәyata keçirdiyi ‘‘Sülh çeşmәsi’’ әmәliyyatı nәticәsindә terrorçulardan tәmizlәnmişdi.