İranda bir millət vəkili korona virusundan həyatını itirdi

  İran İslam Şurası Məclisinin (parlament) deputatı Məhəmədəli Ramazani korona virusuna yoluxaraq həyatını itirib.

M.Ramazani fevralın 21-də İran parlamentinə keçirilən seçkilərdə deputat seçilmişdi.

  İranın Səhiyyə Nazirliyinin yaydığı açıqlamaya görə, hazırda İranda 388 nəfər virusa yoluxan qeydiyyata alınıb, onlardan 34-ü həyatını itirib. Amma nazirlik Qərb mətbuatının İranda 210 nəfərin virusa yoluxaraq ölməsi haqqında yayılan xəbərləri təkzib edir.

  İran Məclisinin sözcüsü Əsədullah Abbasi bildirib ki, beş deputatda da korona virusu çıxıb.