Peskov: “ABŞ-ın sanksiyaları beynəlxalq hüquqa ziddir”
Amerika Birləşmiş Ştatlarının (ABŞ) tətbiq etdiyi sanksiyalar beynəlxalq hüquqa ziddir. Bunu Kremlin sözçüsü Dmitriy Peskov deyib.
1356585
Peskov paytaxt Moskvada təşkil etdiyi mətbuat konfransında ABŞ-ın tətbiq etdiyi sanksiyalara münasibət bildirib.
ABŞ-ın ticarət maraqlarına uyğun olaraq üçüncü ölkələrə sanksiya tətbiq etdiyinə diqqət çəkən Peskov deyib: “ABŞ-nın sanksiya tətbiqinə dair izlədiyi siyasət beynəlxalq hüquqa ziddir. Bir çox ölkə bundan əziyyət çəkir. Bu ölkənin sanksiya siyasətinə qarşı olduğumuzu hər fürsətdə səsləndiririk. Rusiya beynəlxalq qanunlar ilə üst-üstə gəlməyən bu addımlara lazımlı cavabı verəcək.
Xatırladaq ki, Bloomberq-in açıqlamadığı mənbələrə istinad etdiyi xəbərində ABŞ-ın Rusiyanın ən böyük neft şirkəti Rosneft-ə Venesueladakı fəaliyyətləri səbəbindən sanksiya tətbiq edəcəyi bildirilmişdi.