İraqda DEAŞ-ın hücumu nəticəsində 2 əsgər həyatını itirib

İraqın Səlahəddin vilayətində terror təşkilatı DEAŞ-ın etdiyi hücumlarda 2 əsgər həyatını itirib.

İraq Müdafiə Nazirliyi tərkibindəki Təhlükəsizlik Media Şəbəkəsinin bəyanatında Səlahəddin vilayətinin Duceyl qəsəbəsindəki Şeyx İbrahim bölgəsindəki təhlükəsizlik məntəqəsinə DEAŞ-ın hücum etdiyi bildirilib.

Bəyanatda hücum nəticəsində 2 əsgərin həyatını itirdiyi, 5 əsgərin isə yaralandığı qeyd edilib.

Hücumun necə olduğuna dair məlumat verilməyib.